O‘zbekistonlik yarimhimoyachi Nodir Mavlonov faoliyatini Butan chempionatida davom ettiradi.
29 yoshli futbolchi «Paro» klubi bilan shartnoma imzoladi. Bu klub Butanning amaldagi chempioni hisoblanadi.
Jamoa OFK Chellenj kubogi guruh bosqichida ishtirok etadi. Markazlashgan tarzda o‘tadigan guruh o‘yinlarida «Oltin Asr» (Turkmaniston), «Abdish-Ata» (Qirg‘iziston) va «Ash Shabab» (Omon) jamoalari bilan bellashadi.
Mavlonov bunga qadar «Bunyodkor», «Navbahor» jamoalarida to‘p tepgan. Shuningdek, Bangladesh, Nepal chempionatlarida ham o‘ynagan.
