Кевин де Брюйне «Манчестер Сити» унга янги шартнома таклиф қилмаганидан ҳайратга тушди. 

Белгиялик 33 ёшли яримҳимоячи ёзда «шаҳарликлар» сафини эркин агент сифатида тарк этади.

«Бироз шокка тушдим. Йил давомида мен улардан ҳеч қандай таклиф олмадим. Ва кейин клуб қарор қабул қилди. Албатта, бироз ҳайрон бўлдим, лекин ўзимга келишим керак эди. 

Ростини айтсам, ҳали ҳам юқори даражада ўйнай оламан деб ўйлайман. Аммо клуб қарор қабул қилиши кераклигини ҳам тушунаман», — дея де Брюйненинг сўзларини келтиради Daily Mail.

Аввалроқ «Сити» ва Гвардиола де Брюйнени сотқинликда айблаётгани хабар қилинганди.