Юрген Клопп мураббийлик ишига қайтиши мумкин.

UOLʼнинг хабар беришича, «Ливерпул» собиқ бош мураббийи Red Bull'даги ролидан норози. Германиялик мутахассис у ерда футбол йўналиши раҳбари ҳисобланади.

Манбага кўра, Клоппни мураббийликка қайтиши учун фақат икки вариант қизиқтиради: «Реал» ва Бразилия миллий жамоаси. 

Таъкидланишича, Бразилия футбол конфедерацияси (CBF) 57 ёшли мутахассисни миллий жамоа бош мураббийи этиб тайинлаш имкониятини кўриб чиқмаган. Лавозимга энг асосий номзодлар — Карло Анчелотти ва Жорже Жезуш. 

Мадрид клубида эса бош мураббий истеъфоси кутилмоқда. Аввалроқ айнан Клоппнинг «Реал»га келиши мумкинлиги хабар берилганди.