Бугун, 8 феврал якшанба куни Англия, Испания, Италия, Германия ва Францияда футбол мухлисларини бир қатор қизиқарли ўйинлар кутиб турибди. Tribuna.uz муҳим ўйинлар анонси билан таништириб ўтади.
Ливерпул – Манчестер Сити
Якшанба, 21:30
«Энфилд»да Англиянинг сўнгги йиллардаги асосий қарама-қаршилиги бўлиб ўтади. Энг камида «шаҳарликлар»нинг январ ойидаги энг яхши ўйинчиси Абдуқодир Ҳусанов учун ҳам кўриш керак бу баҳсни. Бу сафар унинг рақиби сўнгги ўйинларда жуда яхши кўринган Экитике бўлади: француз ҳужумчиси асосий таркибдаги охирги икки ўйинда 3+1 қайд этди. Ҳусанов етакчилигидаги ҳимоячилар уни тўхтата оладими? Тўхтатиш шарт, акс ҳолда «Арсенал» яна 6 очколик фарқ билан олдинга чиқиб олди, навбатдаги қоқилиш фарқни катталаштиради. «Ливерпул» ҳали топ-5да эмас, аммо ўз ўйинини топгандек: охирги икки ўйинда урилган 10 та гол бунга исбот бўлади. Салоҳ аввалги спорт формасига қайтаяпти. Ҳоланд — ҳали йўқ, аммо у ҳар доимгидек сюрприз қилиши мумкин. Семенё афсунгарлиги учун ҳам кўриш баҳсни мумкин. Умуман олганда, «Ливерпул» — «Сити» аллақачон замонавий АПЛ классикасига айланган. Сюжетлар кўп. Интригалар кўп. Голлар ҳам етарли бўлишига умид бор.
Бавария – Ҳоффенҳайм
Якшанба, 21:30
Чемпионатда кетма-кет 5 ғалаба қайд этган жамоа ким деб ўйлайсиз? «Ҳоффенҳайм»! Ҳа, ишониш қийин: одатда бундай натижани «Бавария» ҳақида гапирардик. Аммо истиснолар ҳам бўлади. Бу — жуда ёқимлиси. Яқинда аутсайдер бўлган жамоа ҳозир топ-3да. Нагелсманн давридан бери илк бор Чемпионлар лигасига чиқиши мумкин. Ҳатто шахсий учрашувда «Бавария»ни ҳам мағлуб этиши эҳтимолдан холи эмас. Мюнхенликлар мавсумдаги энг ёмон ҳолатида: Бундеслиганинг охирги 2 турида атиги 1 очко. Бу қачон бўлган ўзи охирги марта? Бироқ жамоа ҳафта давомида дам олди, Мусиала эса ниҳоят Бундеслига турида асосий таркибда тушишга тайёрдек. «Ҳоффе» дунёнинг энг кучли ҳужумини тўхтата оладими? Жавобни бугун оламиз.
Ювентус – Лацио
Якшанбадан душанбага ўтар кечаси, 00:45
Италия футболини бошқа нарса учун томоша қиламиз. Шахсан мен сўнгги пайтда — мураббийлар дуэли учун. Бир мураббий иккинчисини ҳайратда қолдириш учун нима ўйлаб топишини кузатиш ҳар доим қизиқ. Спаллеттининг қарорлари айниқса бу мавсумда жуда ёқимли: ҳам Дэвидни жойига қўйди, ҳам Маккенни учун янги рол топди. Сарри эса анча ёмон шароитда ишлаяпти, шунинг учун уни бошқа нарса учун мақташ керак: бу «Лацио»ни парчалаб юборишга йўл қўймаслик учун даҳо бўлиш керак! Ёзги трансферларсиз, анча заиф таркиб билан жамоани топ-8да ушлаб турибди. Охирги 5 турда икки жамоада жами 2 та мағлубият, ўтган ҳафта — ғалабалар ва иккаласи биргаликда 7 та гол. Иккаласи ҳам яхши ҳолатда. Икки мураббий ҳам сафда. Кўрамиз, бу сафар ким кимни ютади. Ва Саррига мухлислик қиламиз — қария ғамгин ҳолатда яна чекишга қайтмасин, яқиндагина ташлаганди.
ПСЖ – Марсел
Якшанбадан душанбага ўтар кечаси, 00:45
Ҳафтани энг принципиал тўқнашуви – Францияда. Лига 1нинг биринчи даврасида «ПСЖ» рақибига 0:1 ҳисобида ютқазган ва шу билан мағлубиятсиз серия умуман имкониятисиз бўлиб қолган эди. «Марсел» ғалабани худди чемпионликни ютгандек нишонлади: Францияда меҳмонларга энг душманона бўлган ареналардан бирида парижликларни нақадар ёқтирмасликларини кўрсатишди. Кейин жамоалар мамлакат Суперкубоги доирасида яна тўқнаш келди ва «ПСЖ» реванш олди. Қандай қилиб! 90+5 да ҳисобни тенглаштирди. «Марсел» ўйинни 3:1 да ёпиши шарт бўлган вазиятдан кейин тезкор ҳужумда гол – 2:2 ва пеналтилар сериясида пойтахтликлар ғалабаси. Демак, бу ўйин — «Олимпик» учун ўша муваффақиятсизлик учун қасос, «ПСЖ» учун эса биринчи даврадаги қоқилиш учун жавоб бериш имконияти. Қасоскорлар ўйини. Ва бир оз — футбол ҳам.
Валенсия – Реал
Якшанбадан душанбага ўтар кечаси, 01:00
Дарвоқе, Испанияда ҳафтанинг энг принципиал тўқнашуви — айнан шу. Бир неча йил олдин Винини илк бор ҳақорат қилиш айнан Валенсияда бошланган — кейин бу «касаллик» бутун Испанияга тарқалди. Жамоаларнинг ушбу майдондаги охирги ўйинида пеналти ҳам, қизил карточка ҳам бўлган. Айтганча, клублар ўртасидаги кетма-кет 3 дуэлда ҳам дарвозаларга пеналти белгиланган. Қизил карточка ҳам битта эмас… Қисқаси, эҳтиросларга бой “жанг” бўлади! Интрига ҳам бор: «Валенсия» лигадаги сўнгги уй мағлубиятини октябрда қабул қилган, шундан бери — 6 та ўйин мағлубиятсиз. Ҳаммасида гол урган. Фақат биттасидагина биттадан кўп гол ўтказиб юборган. «Реал» эса бу ўйинга Винисиз келади: у дисквалификация қилинган. Хулоса қилиб айтганда, режада — сариқлар, қизиллар ва эҳтимол сенсация. Агар тун ярмигача ухламаслик керак бўлса, фақат шундай тўқнашув бунга муносиб бўлади.
