Сантиаго Солари «Реал»ни бошқариши мумкин. 

26 апрел кунги Испания Кубоги финалида «Барселона»га имконият бой берилса, Карло Анчелотти истеъфога чиқарилади деб хабар беради Relevo.

Шундай бўлган тақдирда, клублар ўртасидаги жаҳон чемпионати якунига қадар жамоани Раул ёки Солари вақтинчалик бошқаради. Иккинчи вариантнинг эҳтимоли каттароқ. 

АҚШдаги клублар мундиалидан сўнг Хаби Алонсо бош мураббийликка келиши мумкин.

Солари 2018 йил октябрдан 2019 йил мартгача ҳам «Реал» устози бўлган. Раул эса 2019 йилдан бери «Кастилия» бош мураббийи саналади. Аввалроқ унинг «Шалке» билан музокаралар ўтказаётгани хабар берилганди.