World Boxing томонидан Бразилияда ўтказилаётган бокс бўйича Жаҳон чемпионати беллашувлари давом этмоқда.

Мусобақанинг учинчи куни Ўзбекистоннинг 4 нафар вакили навбатдаги босқич жангларида рингга чиқишди. Жаҳон чемпиони Миразизбек Мирзахалилов полшалик Николас Павликни 5:0 ҳисобида мағлубиятга учратди. Жавоҳир Умматалиев америкалик Робби Гонсалесдан устун келди - 3:2.

Афсуски, Париж-2024 Олимпиадаси чемпиони Асадхўжа Мўйдинхўжаев мезбон боксчи Юри Рейсга 2:3 ҳисобида имкониятни бой бериб қўйди. Яна бир тажрибали боксчи Иқболжон Холдаров ҳам бу босқичда англиялик Одел Камарага ютқазиб (0:5) қўйди. 

Бугун финал олди жанглар ўтказилади. Ушбу босқичга 8 нафар ўзбекистонлик боксчилар етиб келди.  Пайшанбадан жумага ўтар кечаси ўзбекистонлик 5 нафар чарм қўлқоп усталари финал йўлланмасига учун ригга кўтарилади.

Ўзбекистонлик боксчилар иштирокидаги бугунги жуфтликлар билан танишинг:

23:15. -60 кг: Мадияр Данияров - Луис Оливейра (Бразилия)

00:15. -90 кг: Тўрабек Ҳабибуллаев – Вишал (Ҳиндистон)

04:15. -50 кг: Асилбек Жалилов - Жадумани Манденгбам (Ҳиндистон)

04:45. -75 кг: Фазлиддин Эркинбоев – Михал Ярлински (Полша)

05:00. +90 кг: Жаҳонгир Зокиров – Даниял Сапарбай (Қозоғистон)

Маълумот учун, Жаҳон кубогига 19 давлатдан 130 дан ортиқ боксчилар ташриф буюрган. Жанглар Фос-ду-Игуасу шаҳрининг «Rafain Palace Hotel» меҳмонхонасида ташкил этилмоқда. 

Эслатиб ўтамиз, ушбу турнирда бокс бўйича Ўзбекистон эркаклар миллий жамоаси илк бор иштирок этмоқда.