«Барселона» футболчилари Дани Олмо ва Пау Виктор Ла Лига рўйхатида қолишади. 

Январ ойида Ла Лига молиявий фэйр-плей сабаб Каталония клубининг ҳар икки ўйинчисини қайдномадан чиқариб ташлаган, кейинроқ «Барса» «Камп Ноу»даги 475 ўринни 30 йилга сотиш бўйича келишувга эришганини кўрсатган ва лига спорт бўйича Олий Кенгаш аралашуви билан вақтинчалик рўйхатдан ўтказишга рухсат берганди.

Аммо кеча, 2 апрел куни Ла Лига келишув маъқулланмаганини, шу сабаб футболчиларни қайдномага киритишга асос йўқлигини хабар қилди.Сўнг каталонияликлар президенти Жоан Лапорта бунга кескин муносабат билдирди.

El Chiringuito хабарига кўра, бугун спорт бўйича Олий Кенгаш (CSD) «Барса» томонида туриб Ла Лига билан баҳс олиб борди ва ижобий натижага эришди. Расмий қарор яқин вақт ичида эълон қилинади.