«Атлетико» бош мураббийи Диего Симеоне «Барселона»га қарши ўйин олдидан матбуот анжуманида иштирок этди.

«Матрасчилар» Испания кубоги яримфинал жавоб баҳсида сафарда «Барселона»га қарши ўйнайди. Дастлабки ўйинда томонлар жанговар дурангга рози бўлишганди, - 4:4.

«Мен клубга келганимдан буён мухлисар ҳар йили бир хил муносабатда бўлишмоқда. Улар ўйинлар давомида қўшиқ айтиб, бизга қўшимча куч-қувват беришди, стадионнинг кучи жамоага мадад бўлмоқда.

Аммо эртанги кун финал эмас, балки яримфинал бўлиб, унда финалда иштирок этиш ҳуқуқини қўлга киритишимиз мумкин. Бу мавсумни жуда яхши ўтказаётган рақибга қарши ўйнаймиз».

– Бу жамоа учун яна юқорига кўтарилиш имконини берадими?

– Мен фақат ўз ҳис-туйғуларим ҳақида гапиряпман: биз жуда яхши мавсумни ўтказяпмиз, дейлик, Чемпионлар Лигасида ажойиб кураш олиб борди ва Ла Лигада ҳам шундай қилмоқда. Жамоа ўйиндан-ўйинга пасайиб кетгани йўқ.

– «Атлетико»нинг кейинги босқичга чиқиш имкониятига ишонмаётганларга нима дейсиз?

– Бу ҳурматга сазовор фикр. Бу ўйинда турли вазиятларни бошдан кечирамиз. Рақиб устунликка эга бўлади ва аввалги ўйинларимизни такрорлашга ҳаракат қиламиз. Ўйлашимча, иккала томондан ҳам катта ўзгаришлар бўлмайди.

– Левандовскининг ўйини ҳақида фикрингиз қандай?

– Роберт мавсумни фантастик кўрсаткичлар билан ўтказмоқда. Унинг тиришқоқлигига қойил қоламан, у ҳавас қилса арзийдиган футболчи. Ундан ўрганадиган кўп нарса бор.

Аввалроқ, Симеоне жамоаси Ла Лигада охиригача кураш олиб боришини айтиб ўтганди.