«Атлетико» бош мураббийи Диего Симеоне Ла Лига 28-туридан ўрин олган «Барселона» (2:4) билан ўйиндан сўнг ўз фикрларини билдирди. 

«Рақибни табриклайман. Уларга омад ҳамроҳ бўлди. Қарши ҳужумлардан фойдалана олмадик. Ишлашни давом эттиришимиз керак.

Ўйлашимча, бизда чарчоқ аломатлари йўқ эди. Фақат Алвареснинг ҳарорати бор эди, лекин у ўйнади. Бундан ортиғини сўрай олмайман. 

Ҳисоб 2:0 бўлиб тугаши мумкин эди, деб ўйламайман. «Барса» ҳисобни қисқартирди ва бундай вазиятда кучли рақибда қўшимча туртки пайдо бўлди. Қаршилар ҳужумларимиз муваффақиятсиз тугади ва ҳисоб тезда 2:2 бўлди. 

Жамоа сўнгги ўйинларда жанг қилди. Бизга ғалаба керак. Испания Кубоги финалига чиқиш учун яхши имкониятимиз бор. Қийин бўлади, аммо охиригача курашамиз.

Ла Лигада 10 та тур қолди ва ҳали «Барселона» «Реал» билан ўйнайди. Агар охирги 5 та тургача имкониятимиз сақланиб қолса, мақсадга эришиш учун ҳамма нарса қиламиз», — дея аргентиналик мутахассиснинг сўзларини келтиради Marca.