ЦСКА яримҳимоячиси Аббосбек Файзуллаев «Матч ТВ» билан суҳбатда «Галатасарой»нинг унга қизиқиш билдираётгани ҳақида фикрини билдирди.

Ўзбекистонлик футболчидан Туркия клубига эҳтимолий трансфери ҳақида сўрашгач, у бу ҳақда гапиришни Москва клубига нисбатан ҳурматсизлик деб ҳисоблашини айтди.

– «Галатасарой»нинг қизиқиши ҳақидаги хабарларга қандай қарайсиз?

– Бу ҳақда гапиришни истамайман, ҳозир мавриди эмас. ЦСКА билан шартномам бор ва бу мавзуда гапириш клубга ҳурматсизлик бўлади. Барча эътиборимни ЦСКАдаги фаолиятимга қаратганман», – деди Файзуллаев «Матч ТВ»га берган интервюсида.

Маълумот учун, ЦСКА 41 очко тўплаган ҳолда РПЛда 5-ўринда бормоқда. Жамоа кейинги ўйинини 6 апрел куни «Динамо Москва»га қарши ўтказади.

Аввалроқ, Туркия клуби ўзбек футболчисига қизиқиш билдираётгани ҳақида хабарлар тарқалганди.