«Барселона» бош мураббийи Ҳанси Флик Ла Лига 27-туридан ўрин олган «Осасуна»га (3:0) қарши ўйиндан сўнг ўз фикрлари билан ўртоқлашди. 

Каталония клуби қолдирилган баҳсни ФИФА кунларидан 2 кун ўтибоқ ўтказишга мажбур бўлди 

«Бу — жуда узоқ йўл. Ҳозир жуда яхши кунларни ўтказяпмиз. Яна кўплаб ўйин ўйнашимиз керак.

Олмо жароҳат олди. Икки ҳафта давомида тақвимда у ўтказиб юбориши мумкин бўлган кўплаб ўйинлар бор. Шогирдларим билан жуда фахрланаман. Ўйин учун яхши кун эмасди ва бунга Олмонинг жароҳати билан товон тўладик. 

Гави ажойиб ўйин ўтказди. Унинг бугунги ўйинидан жуда ғурурланаман. У жиддий жароҳат олганди. У захирада бўлса ҳам, доим ўйнашга тайёр туради. У профессионал. Ундан жуда мамнунман», — дея германиялик мутахассиснинг сўзларини келтиради Marca.