«Барселона» бош мураббийи Ҳанс-Дитер Флик Чемпионлар лигаси 1/4 финали доирасида «Боруссия Д»га (4:0) қарши ўйиндан сўнг ўз фикрлари билан ўртоқлашди.

«Бундай ҳисобда ғалаба қозониш муҳим. Жамоа шундай ўйин кўрсатадиган бўлса, албатта, керакли натижага эриша олади.

Биринчи ўйиндан кейин «Барселона» яримфиналга чиққани йўқ. Олдинда бизни жавоб ўйини кутмоқда. Германияда имкон қадар камроқ хато қилишимиз шарт. Чунки рақиб яхши жамоа ва мухлислари қаршисида ижобий натижа учун ҳаракат қилади.

Бу ўйинда ҳужум учлигимиз ажойиб ўйин кўрсатди. Аммо ҳимоя чизиғимиз ҳам жуда яхши ҳаракат қилганини алоҳида таъкидлаш лозим», — дея германиялик мутахассиснинг сўзларини келтиради Marca.

Эслатиб ўтамиз, жавоб ўйини 15 апрел куни Германияда бўлиб ўтади.