«Ювентус» «Милан» собиқ яримҳимоячиси Франк Кессиэни ўз сафига қўшиб олиш имкониятини кўриб чиқмоқда. Бу ҳақда журналист Жанлука ди Марцио хабар берди.
Ивуарлик футболчи ҳалигача «Ал Аҳли» билан 30 июн куни тугайдиган шартномасини узайтирмаган. Саудия клуби унга йилига 12 миллион евро маош билан 2 йиллик келишув таклиф қилган, аммо яримҳимоячи бу таклифни рад этган ва музокараларни тўхтатиб турган.
Қайд этилишича, Кессиэ учун асосий мақсад — Италияга қайтиш. Шу боис, сўнгги бир неча ойдан бери футболчига қизиқиш билдириб келаётган «Ювентус» яқин кунларда унинг трансфери бўйича фаол ҳаракатларни бошлаши кутилмоқда.
Аввалроқ «зебралар» Сёрлот билан шартнома борасида келишиб олгани маълум қилинганди.
