Лас-Вегасда UFC 317 йирик турнири бўлиб ўтди. Тадбирнинг марказий жанги енгил вазн тоифасидаги вакант чемпионлик камари учун кечди.
Мазкур тўқнашувда Илия Топурия ва Чарлз Оливейра тўқнаш келди. Жанг биринчи раунддаёқ Топуриянинг нокаути билан якунланди ва у UFCнинг енгил вазндаги янги чемпионига айланди.
Бу ғалабадан сўнг Илиянинг ММАдаги натижаси 17 ғалаба ва бирорта мағлубиятсиз кўриниш олди. Оливейра эса фаолияти давомида 35 марта ғалаба қозонган бўлса, 11 марта мағлуб бўлган ва бир жанг натижасиз якунланган.
Эслатиб ўтамиз, Топурия ярим енгил вазн тоифасида ҳам UFC чемпиони бўлган, аммо янги дивизионга ўтиш учун бу камардан воз кечганди.
Аввалроқ UFC тарихидаги афсонавий жангчи Жон Жонс фаолиятини якунлагани маълум қилинганди.
