«Арсенал» яримҳимоячи Мартин Субимендининг трансферини эълон қилди.
Испаниялик 26 ёшьи футболчи «тўпчилар» билан узоқ йиллик шартнома имзолаган.
Аввалроқ инсайдер Фабрицио Романонинг хабарига кўра, Лондон клуби Субимендининг трансфери учун 65 миллион евро сарфлаган. Бу сумма бир неча босқичда ўтказилади.
Ўтган мавсумда у «Реал Сосиедад» сафида барча турнирларда 48 ўйинда майдонга тушиб, 2та гол урган ва 2 ассистни қайд этган. Transfermarkt портали 26 ёшли ярим ҳимоячининг нархини 60 млн еврога баҳоламоқда.
Аввалроқ «Арсенал» бош мураббийи Микел Артета клуб раҳбариятидан ҳужум чизиғини кучайтиришни талаб қилаётгани хабар қилинганди.
