Аргентина миллий жамоаси бош мураббийи Лионел Скалони Лионел Мессининг жисмоний ҳолати ва унинг Исландияга қарши ўртоқлик ўйинидаги иштироки ҳақида гапирди.
Мутахассиснинг таъкидлашича, 38 ёшли ҳужумчи бўлажак назорат баҳсида майдонга тушади, бироқ унинг қанча вақт ўйнаши ҳозирча номаълум.
«Лео ўйнайди. Аммо унинг неча дақиқа майдонда бўлишини аниқ айта олмайман. Бу масалани машғулотлардан кейин муҳокама қиламиз.
Биз барча хавфларнинг олдини олишимиз керак. Якуний қарор кейинроқ қабул қилинади», — деди Скалони ESPN нашрига.
Қайд этилишича, Месси Аргентина миллий жамоаси йиғинига мушакдаги ноқулайлик билан етиб келган.
Эслатиб ўтамиз, амалдаги жаҳон чемпионлари 2026 йилги мундиалда ҳам бош соврин учун асосий даъвогарлардан бири сифатида кўрилмоқда.
Маълумот учун, Аргентина миллий жамоаси Жаҳон чемпионатининг гуруҳ босқичида Австрия, Жазоир ва Иордания миллий жамоаларига қарши баҳс олиб боради.
