Португалия терма жамоаси ва «Ан Наср» клуби ҳужумчиси Криштиану Роналду нима сабабдан Диогу Жотанинг дафн маросимига бормагани маълум бўлди.
A Bola нашрининг хабар беришича, Роналду журналистлар туфайли дафн маросимига бормасликка қарор қилган.
Манбага кўра, «Ан Наср» ҳужумчиси маросимга бориб, оммавий ахборот воситалари эътиборини кучайтиришни истамаган. Роналду марҳум футболчининг оила аъзолари билан доимий алоқада бўлиб турган.
Маyorka матбуотининг ёзишича, Криштиану у вақтда ўзининг 88 футли «Azimut Grande» яхтасида дам олаётган бўлган.
Жотанинг дафн маросимида кўплаб машҳур футболчилар иштирок этган. Жумладан, Жоау Канселу ва Рубен Невеш KЖЧдаги иштирокини якунлагач, тўғридан-тўғри АҚШдан учиб келган.
Аввалроқ Жотанинг дафн маросимида тартибсизлик келиб чиққанлиги ва вазиятни назоратга олиш мақсадида полиция аралашгани хабар қилинганди.
