«Реал» клуби «Боруссия Д» марказий ҳимоячиси Нико Шлоттербекка қизиқиш билдирмоқда.
Bild нашри хабар беришича, германиялик 26 ёшли футболчининг номзоди «қироллик» клубига тайинланиши кутилаётган Жозе Моуриниога ҳам маъқул келмоқда.
Қайд этилишича, «Реал»Шлоттербек трансфери учун таклиф тайёрламоқда. Трансфер суммаси бонусларни ҳисобга олмаганда 50-60 миллион еврони ташкил қилиши мумкин.
Ўтган мавсумда Нико барча турнирлар доирасида 37 та учрашувда майдонга тушиб, 5 та гол ва 2 та голли узатма ёздириб қўйди.
Футболчининг клуб билан амалдаги меҳнат шартномаси 2031 йилнинг ёзигача мўлжалланган.
Transfermarkt портали маълумотларига кўра, футболчининг бозор нархи 55 миллион еврони ташкил этади.
