Мадриднинг «Реал» клуби «Бавария» клуби ва Франция миллий жамоаси яримҳимоячиси Майкл Олисени ўз сафига қўшиб олиш ҳаракатларини давом эттирмоқда.
Sky Sports хабарига кўра, «қироллик клуби» аввалроқ 24 ёшли футболчи учун 150 миллион евро таклиф қилган, бироқ Мюнхен клуби бу таклифни рад этган.
Эндиликда мадридликлар янги таклиф тайёрламоқда. Манбага кўра, «Реал» Олисе трансфери учун 200 миллион евро тўлашга тайёр.
Шунга қарамай, бу сумма ҳам «Бавария»ни қониқтирмаслиги мумкин. Чунки Германия гранди ўз юлдузини бундан ҳам қимматроқ баҳоламоқда.
Эслатиб ўтамиз, Майкл Олисе «Бавария» сафига 2024 йилнинг ёзида келиб қўшилган ва қисқа вақт ичида жамоанинг етакчи футболчиларидан бирига айланган.
Маълумот учун, франциялик футболчининг Мюнхен клуби билан шартномаси 2029 йилнинг июн ойига қадар амал қилади. Тransfermarkt портали уни 150 миллион еврога баҳолаган.
