Лондоннинг «Арсенал» клубида май ойининг энг яхши футболчиси аниқланди. Бу соврин дарвозабон Давид Райяга насиб этди.
Испаниялик посбон ўтган ой барча мусобақаларда 5 та ўйин ўтказиб, атиги битта гол ўтказиб юборди (Чемпионлар Лигаси финалида «ПСЖ»дан).
Умуман олганда, Райя якунланган мавсум 51 учрашувда майдонга тушди. Шулардан 28 тасида у дарвозасини дахлсиз сақлаб қолди.
Айни пайтда Райя Испания миллий жамоаси сафида жаҳон чемпионатига тайёргарлик кўрмоқда. Гуруҳ босқичида улар Кабо-Верде, Саудия Арабистони ва Уругвай миллий жамоаларига қарши майдонга тушади.
