Франциялик мутахассис Пер Саж «Кристал Пэлас» бош мураббийига айланади. Бу ҳақда журналист Фабрицио Романо хабар берди.
Қайд этилишича, Саж билан 2029 йилгача амал қиладиган шартнома имзоланади. Шунингдек, томонлар келишувни яна бир йилга узайтириши ҳам мумкин.
Маълумот ўрнида, мутахассис якунланган мавсум «Ланс»да иш олиб борди ва жамоа билан Франция чемпионатида 70 очко тўплаган ҳолда 2-ўринни эгаллади.
Аввалроқ «Ковентри» устози Фрэнк Лэмпарднинг «Кристал Пэлас» бош мураббийи бўлиши мумкинлиги маълум қилинганди.
