«Челси» ҳужумкор яримҳимоячиси Кристофер Нкунку фаолиятини «Манчестер Юнайтед»да давом эттириши мумкин.
The Athletic хабарига кўра, франциялик 27 ёшли футболчи «қизил иблислар»нинг шорт-листидан ўрин олган.
Манкунианликлар Нкунку трансфери учун 40 миллион евро сарфлашга тайёр. «Челси» ҳам Жоау Педро ва Лиам Делапнинг трансферидан сўнг Кристофер билан хайрлашишга қарши эмас.
Якунланган мавсумда у «аристократлар» cафида барча турнирларда 46 ўйинда майдонга тушиб, 15та гол урди ва 5 ассистни қайд этди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган.
Аввалроқ «Челси» «Арсенал»нинг 18 ёшли яримҳимоячиси Этан Нванерини сотиб олмоқчи эканлиги хабар қилинганди.
