29 ёшли UFCнинг енгил вазнда амалдаги чемпиони Илия Топурия машҳур португалиялик футбол мутахассиси Жозе Моуринионинг яқин орада Мадриднинг «Реал» клубига бош мураббий бўлишидан умидвор.
«Мен Моуринионинг «Реал»га қайтишини жуда ҳам хоҳлардим. Менга унинг характери ёқади. У билан зерикмайсиз. У яна «Реал»ни Чемпионлар Лигасида ғалабага етаклай оладими? Айтиш қийин, чунки биз шундоқ ҳам ғалабалардан узоқлашмаганмиз, аммо ҳа, бу ажойиб бўларди», - деди Топурия CBS Sportsга берган интервюсида.
Эслатиб ўтамиз, Моуринио 2010 йилдан 2013 йилгача «Реал»да ишлаб улгурган. Унинг бошчилигида жамоа ички чемпионат, Кубок ва Испания Суперкубогини ютган.
Маълумот учун, якунига етган мавсумда «қаймоқранглилар» бирорта ҳам соврин қўлга кирита олмади.
