«Ливерпул» ЙТҲ оқибатида ҳалок бўлган Диогу Жотанинг оиласига футболчининг 2027 йилгача мўлжалланган шартномаси бўйича маош тўлашда давом этади. Бу ҳақда Record хабар бермоқда.
Аввалроқ Мерсисайд клуби португалиялик ҳужумчи шарафига у ўйнаган 20-рақамни абадийлаштирганини маълум қилганди.
Шунингдек, автоҳалокатда Жотанинг укаси Андре Силва ҳам ҳаётдан кўз юмган.
28 ёшли футболчи «Ливерпул»га 2020 йил «Вулверҳэмптон»дан ўтганди. У ўтган даврда барча турнирлар доирасида 182 ўйин ўтказиб, 65 гол ва 26 ассистни ўз ҳисобига ёздириб қўйган.
Жота мерсисайдликлар билан АПЛни, Англия кубогини ва икки бор лига кубогини ютган. Шунингдек, у Португалия миллий жамоаси сафида икки марта Миллатлар Лигасида зафар қучган.
