Opta суперкомпютери клублар ўртасидаги жаҳон чемпионатида жамоаларнинг ғалаба қозониш эҳтимолини баҳолади. Бу ҳақда Opta Analyst хабар берди.
Унга кўра, «ПСЖ»нинг чемпионлик эҳтимоли 38,54 фоиз этиб белгиланган. Ундан кейинги ўринда «Челси» ўрин олди — 33,86%. Испаниянинг «Реал» клуби эса 24,67% имкониятга эга. Бразилия чемпиони «Флуминенсе» эса ҳозирча аутсайдер сифатида баҳоланмоқда — уларнинг ғалаба эҳтимоли 2,93% деб кўрсатилган.
Эслатиб ўтамиз, яримфиналда «Флуминенсе» — «Челси», «ПСЖ» — «Реал» жуфтликлари ўртасида ўйинлар бўлиб ўтади.
Аввалроқ Opta суперкомпютери «Челси»нинг имкониятларини юқори баҳолаганди.
