Ўзбекистон миллий жамоасининг собиқ ҳужумчиси Жаъфар Ирисметов жамоанинг бўлажак жаҳон чемпионатидаги дебюти ҳақида фикр билдирди.
Бу 18 июн куни Колумбияга қарши ўйинда содир бўлиши кутилмоқда.
Эслатиб ўтамиз, жаҳон чемпионати олдидан Тимур Кападзенинг ўрнига Ўзбекистон миллий жамоаси бош мураббийлигига, ўтмишда дунёнинг энг яхши ҳимоячиларидан бири, италиялик мутахассис Фабио Каннаваро тайинланди.
«Бир қарашда яхши иш олиб бормоқда, аммо ҳозирча Каннаваронинг ўйин услуби кўринмаяпти. Кўпгина натижаларга футболчиларнинг индивидуал маҳоратлари билан эришаяпмиз. Назаримда, энг катта муаммо ҳимояда», - дея Ирисметовнинг сўзларини келтиради Metaratings.
Маълумот учун, Ўзбекистон ФИФА рейтингида 50-ўринни эгаллаб турибди. Колумбия (13-ўрин) билан бир қаторда, жамоа мундиалнинг гуруҳ босқичида Португалия (5-ўрин) ва Конго ДР (46-ўрин) миллий жамоалари билан ўйнайди.
