«Челси» «Ювентус»нинг сербиялик ҳужумчиси Душан Влаҳовични ўз сафига қўшиб олишни режалаштирмоқда. Бу ҳақда La Gazzetta dello Sport хабар бермоқда.
Манбага кўра, Лондон клуби вакиллари футболчининг агенти бўлган отаси Милош Влаҳович билан аллақачон алоқага чиққан.
Таъкидланишича, «Бавария», «Барселона» ва «Нюкасл» ҳам катта Влаҳович билан мулоқот қилган.
Эслатиб ўтамиз, Душан 2022 йилнинг қишида «Ювентус»га ўтган. Шундан бери туринликлар сафида ўйнаб келмоқда.
Ўтган мавсумда 26 ёшли сербиялик футболчи барча турнирларда 23 та ўйинда майдонга тушиб, 10 та гол ва 2 та голли узатмани ўз ҳисобига ёздириб қўйди.
Transfermarkt портали маълумотларига кўра, футболчининг бозор қиймати 35 миллион еврони ташкил этади.
