Бу ҳақда Daily Mail нашри хабар берди.
Мадриднинг «Реал» клуби «Челси» яримҳимоячиси Энцо Фернандесга қизиқишини йўқотмаган.
Манба маълумотига кўра, испан гранди вакиллари 25 ёшли аргентиналик жаҳон чемпионини узоқ вақтдан буён кузатишмоқда. Футболчининг ўзи ҳам янги таклифларни кўриб чиқишга тайёр эканлиги ҳақида хабарлар тарқалганди.
Клуб президентлигига қайта сайлангач, Флорентино Перес трансфер бозорида фаол ҳаракатларни амалга оширишни ният қилган. «Челси» вазиятни синчковлик билан кузатмоқда ва Мадридликлар яримҳимоячи бўйича расмий таклиф юборишини кутмоқда.
Таъкидланишича, Лондон клуби вице-сардорини 140 миллион еврога баҳоламоқда. Аммо у билан хайрлашишга унчалик ошиқаётгани йўқ ва агар муносиб таклиф бўлмаса, Фернандесни таркиб олиб қолишга ҳам мутлақ қарши эмас.
Аргентиналикнинг «Челси» билан шартномаси 2032 йил ёзигача амал қилади. Аввалроқ, Фернандес атрофидаги вазиятни «Пари Сен-Жермен» ва «Манчестер Сити» ҳам кузатаётгани ҳақида ёзилган эди.
