«ПСЖ» дарвозабони Люка Шевале фаолиятини «Бешиктош»да давом эттириши мумкин. Бу ҳақда L’Equipe хабар бермоқда.
Манбага кўра, Туркия клуби франциялик 24 ёшли кипернинг агентлари билан музокара ўтказган.
Люка ҳозирда таклифларни кўриб чиқмоқда. У «ПСЖ»ни тарк этиш ҳақида ўйламоқда.
Ўтган мавсум давомида Шевале россиялик дарвозабон Матвей Сафоновга рақобатни бой берди.
Футболчининг клуб билан амалдаги меҳнат шартномаси 2030 йилнинг ёзига қадар мўлжалланган.
Transfermarkt порталида тақдим этилган маълумотларга кўра, унинг бозор қиймати 25 млн еврони ташкил қилади.
