Уэлс миллий жамоаси, «Тоттенхэм» ҳамда «Реал Мадрид» собиқ футболчиси Гарет Бэйл профессионал футболга яна қайтиши мумкин.
Бу сафар ўйинчи сифатида эмас. Гап шундаки, Гарет «Кардиф Сити» футбол клубини сотиб олиш учун расмий таклиф билан чиқди. Бэйл клуб учун 40 миллион евро бермоқчи.
Чемпионшипдан қуйироқ бўлган лигага тушиб кетган жамоанинг хўжайини Винсент Тан клубни сотмоқчи эмас.
«Биз «Кардиф»ни сотиб олишга қизиқмоқдамиз. Бу ер менинг уйимдир. Амаки-тоғаларим билан футбол ўйнашга одатланган ва мен ёшликдан катта бўлган ҳудуд. Бу клубни сотиб олсам орзуларим ушалади. «Кардиф» менинг юрагимга яқин ва унинг бир бўлаги сифатида жамоани яна АПЛга олиб чиқишдан хурсанд бўлар эдим», — деди Бэйл Sky Sport’га берган интервюсида.
Собиқ футболчиларнинг клублар сотиб олиши янгилик эмас. Бекҳем, Роналдо (сўйлоқтиш) ва бошқа собиқ футболчилар ҳам айни пайтда ўз клубларига эга.
