«Бавария» клуби «Манчестер Юнайтед» ҳужумчиси Маркус Рэшфорднинг трансферига қизиқиш билдирмоқда.
Football365 маълумотларига кўра, «Барселона» англиялик футболчини тўлиқ сотиб олиш бўйича музокараларни фаол олиб боргани йўқ.
Каталония клуби футболчини 30 млн еврога сотиб олиш ҳуқуқига эга, бироқ айни дамда бу имкониятдан фойдаланишни режалаштирмаяпти.
«Манчестер Юнайтед» бошқа клубларнинг таклифларини кўриб чиқишга тайёр эканлигини маълум қилди. «Бавария» ўз қизиқишини тасдиқлади ва сўралаётган суммани тўлашга тайёрлигини билдирди. Келишувни амалга оширишдаги асосий тўсиқ ўйинчининг маош даражаси — ҳафтасига 348 минг евро эканлигидир.
Ўтган мавсумда Рэшфорд «Барселона» сафида 49 та ўйинда иштирок этиб, 14 та гол урди ва 14 та голли узатмани амалга оширди.
