«Реал» вингери Винисиус Жуниор «Арсенал» қизиқишлари доирасига тушган. Бу ҳақда The Touchline хабар берди.
Маълум қилинишича, «қироллик клуби» юлдузини сотиб олишни шахсан Микел Артетанинг ўзи лондонликлар раҳбариятидан сўраган. Испаниялик мутахассис «қаймоқранглилар» вингерини «тўпчилар» ҳужум чизиғида етишмаётган муҳим бўғин деб билади.
Якунланган мавсум 25 ёшли футболчи барча мусобақаларда 53 та ўйинда иштирок этиб, 22 та гол урди ва 14 та ассист амалга оширган. Transfermarkt портали уни 140 миллион еврога баҳоламоқда.
Аввалроқ «Реал» ва Винисиус янги шартнома бўйича келишувга эришгани маълум қилинганди.
