«Арсенал» Виктор Гокерешни ўз сафига қўшиб олишга яқин.
Инсайдер Фабрицио Романонинг хабарига кўра, сўнгги соатларда музокараларнинг янги босқичи бўлиб ўтди.
Швециялик 27 ёшли ҳужумчи «Спортинг»нинг машғулотларига қайтмайди. У лиссабонликларни тарк этишга қарор қилган.
Гокереш «тўпчилар» билан 2030 йилга қадар битим имзолайди. Қолаверса, футболчи клубда қанча маош олиши борасида ҳам келишиб олган.
Гап «Арсенал» ва «Спортинг» жамоаларининг ўзаро келишувида қолди. Португалияликлар Викторнинг трансферидан камида 80 миллион евро ишлаб олмоқчи.
Якунланган мавсум Гокереш лиссабонликлар сафида барча турнирларда 52 ўйинда 54та гол ва 13 ассистни қайд этди. Transfermarkt порталининг маълумотига кўра, унинг бозор баҳоси 75 миллион еврога тенг.
Аввалроқ швециялик 27 ёшли футболчи «Манчестер Юнайтед» ва «Ювентус»дан тушган таклифларни рад этганди.
