"Chelsi" hujumkor yarimhimoyachisi Kristofer Nkunku faoliyatini "Manchester Yunayted"da davom ettirishi mumkin.
The Athletic xabariga ko'ra, fransiyalik 27 yoshli futbolchi "qizil iblislar"ning short-listidan o'rin olgan.
Mankunianliklar Nkunku transferi uchun 40 million yevro sarflashga tayyor. "Chelsi" ham Joau Pedro va Liam Delapning transferidan so'ng Kristofer bilan xayrlashishga qarshi emas.
Yakunlangan mavsumda u "aristokratlar" safida barcha turnirlarda 46 o'yinda maydonga tushib, 15 ta gol urdi va 5 assist qayd etdi. Futbolchining klub bilan amaldagi mehnat shartnomasi 2029 yilning yozigacha mo'ljallangan.
Avvalroq "Chelsi" "Arsenal"ning 18 yoshli yarimhimoyachisi Etan Nwanerini sotib olmoqchi ekani xabar qilingandi.
