Myunxenning «Bavariya» klubi hujumkor yarimhimoyachisi Jamal Musiala bugun, 6-iyul kuni Germaniyaga yetib kelganidan so'ng darhol operatsiya qilinadi. Bu haqda Sky Sport Germany nashri xabar bermoqda.
Musiala KJCH chorakfinalidan o'rin olgan «PSJ»ga qarshi o'yinda (0:2) jiddiy jarohat oldi.
Birinchi bo'lim oxirida parijliklar darvozaboni Janluiji Donnarumma bilan to'qnashuv natijasida futbolchini oyog'ini sindirib oldi. Voqeadan so'ng u maydonni zambilda tark etdi.
Avvalroq 22 yoshli yarimhimoyachiga chap oyoq suyagining sinishi va bog'lamlarning shikastlanishi tashxisi qo'yilgani va tiklanish uchun 4 oydan 5 oygacha vaqt kerak bo'lishi xabar qilingandi.
