“Liverpul” YTH oqibatida halok bo‘lgan Diogu Jotaning oilasiga futbolchining 2027 yilgacha mo‘ljallangan shartnomasi bo‘yicha maosh to‘lashda davom etadi. Bu haqida Record xabar bermoqda.
Avvalroq Mersisayd klubi portugal hujumchisi sharafiga u o‘ynagan 20-raqamni abadiylashtirganini ma’lum qilgandi.
Shuningdek, avtohalokatda Jotaning ukasi Andre Silva ham hayotdan ko‘z yumgan.
28 yoshli futbolchi “Liverpul”ga 2020 yili “Vulverhempton”dan o‘tgan edi. U o‘tgan davrda barcha turnirlar doirasida 182 o‘yin o‘tkazib, 65 gol va 26 assistni o‘z hisobiga yozdirib qo‘ygan.
Jota mersisaydlilar bilan APLni, Angliya kubogini va ikki bor liga kubogini yutgan. Shuningdek, u Portugaliya milliy jamoasi safida ikki marta Millatlar Ligasi g‘olibiga aylangan.
