AQShda bo'lib o'tayotgan klublar o'rtasidagi jahon chempionatining hal qiluvchi bahslari davom etmoqda.
Chorakfinaldagi g'alabalardan keyin «Fluminense», «Chelsi», «PSJ» hamda «Real Madrid» klublari yarimfinal yo'llanmasini qo'lga kiritishdi.
Yarimfinal uchrashuvlari doirasidagi «Chelsi» - «Fluminense» o'yini uchun sotilayotgan chiptalar narxi «Real Madrid» - «PSJ» bahsiga qaraganda keskin farq qilmoqda.
«Chelsi» - «Fluminense» bellashuvi uchun chiptalar narxi 13.4 dollardan (9.8 yevro) sotilayotgan bo'lsa, «Real Madrid» - «PSJ» o'yini ga tashrif buyurish uchun eng arzon chiptani 199.6 dollardan (146 yevro) xarid qilish mumkin.
Yarimfinalning har 2 qarama-qarshilgi Nyu York shahridagi 82,500 o'rindiqli «MetLife» stadionida bo'lib o'tadi.
