Opta superkompyuteri klublar o‘rtasidagi jahon chempionatida jamoalarning g‘alaba qozonish ehtimolini baholadi. Bu haqda Opta Analyst xabar berdi.
Unga ko‘ra, «PSJ»ning chempionlik ehtimoli 38,54 foiz etib belgilangan. Undan keyingi o‘rinda «Chelsi» joy oldi — 33,86%. Ispaniyaning «Real» klubi esa 24,67% imkoniyatga ega. Braziliya chempioni «Fluminense» esa hozircha autsayder sifatida baholanmoqda — ularning g‘alaba ehtimoli 2,93% deb ko‘rsatilgan.
Eslatib o‘tamiz, yarim finalda «Fluminense» — «Chelsi», «PSJ» — «Real» juftliklari o‘rtasida o‘yinlar bo‘lib o‘tadi.
Avvalroq Opta superkompyuteri «Chelsi»ning imkoniyatlarini yuqori baholagandi.
