Fransiya milliy jamoasi bosh murabbiyi Didye Desham Shimoliy Irlandiyaga qarshi o‘rtoqlik bahsida xet-trik qayd etgan Maykl Olisening o‘yiniga yuqori baho berdi.
Fransuzlar Jahon chempionatiga tayyorgarlik doirasidagi nazorat uchrashuvida Shimoliy Irlandiyani 3:1 hisobida mag‘lub etdi. Jamoaning barcha gollariga aynan Olise mualliflik qildi.
«Aynan shunday Olise bizga kerak bo‘ladi. Maykl «Bavariya» va milliy jamoadagi mavsumidan keyin yanada ajralib turmoqda. U katta yutuqlarga erishdi va o‘ziga bo‘lgan ishonchi yuqori.
Bundan tashqari, u jamoa uchun mehnat qilishni ham biladi. Bu esa juda muhim jihat», — dedi Desham Radio France Internationale nashriga.
Eslatib o‘tamiz, Fransiya milliy jamoasi 2026 yilgi Jahon chempionati ishtirokchisi hisoblanadi.
Ma’lumot uchun, fransuzlar mundialning I guruhida Senegal, Iroq va Norvegiya milliy jamoalariga qarshi bahs olib boradi.
