Londonning «Chelsi» klubi «Borussiya Dortmund» vingeri Jeymi Gittens bilan shartnoma imzolaganini e'lon qildi.
Transfermarkt portali ma'lumotlariga ko'ra, «aristokratlar» Gittens uchun dortmundliklarga 64,3 million yevro to'lagan. Tomonlar o'rtasida 2032-yilning yoziga qadar mo'ljallangan shartnoma imzolangan.
O'tgan mavsumda Gittens klub safida barcha turnirlarda 49 ta o'yinda maydonga tushib, 12 ta gol urdi va 5 ta golli uzatmani amalga oshirdi. Uning Transfermarkt'dagi narxi 50 million yevroga baholanmoqda.
