"Real" vingeri Vinisius Junior "Arsenal" qiziqishlari doirasiga tushgan. Bu haqida The Touchline xabar berdi.
Ma'lum qilinishicha, "qirollik klubi" yulduzini sotib olishni shaxsan Mikel Artetaning o'zi londonliklar rahbariyatidan so'ragan. Ispaniyalik mutaxassis "qaymoqranglilar" vingerini "to'pchilar" hujum chizig'ida yetishmayotgan muhim bo'g'in deb biladi.
Yakunlangan mavsum 25 yoshli futbolchi barcha musobaqalarda 53 ta o'yinda ishtirok etib, 22 ta gol urdi va 14 ta assist amalga oshirgan. Transfermarkt portali uni 140 million yevroga baholamoqda.
Avvalroq "Real" va Vinisius yangi shartnoma bo'yicha kelishuvga erishgani ma'lum qilingan edi.
