Ilk bor akademik o‘zbek eshkak eshuvchi jahon kubogida shohsupaga ko‘tarildi. Bu haqda O‘zbekiston MOQ matbuot xizmati xabar berdi.
«Shveytsariyaning Lyutsern shahrida akademik eshkak eshish bo‘yicha jahon kubogi bahslari o‘tkazilmoqda. Quvonarlisi, unda O‘zbekiston milliy jamoasi tarixda ilk bor mazkur toifadagi musobaqada dastlabki medalini qo‘lga kiritdi.
LM1x dasturida (engil vaznli yakkalik) kechgan bahslarda Parij-2024 yozgi olimpiya o‘yinlari ishtirokchisi Shahzod Nurmatov marraga uchinchi bo‘lib yetib keldi va bronza medaliga sazovor bo‘ldi», — deyiladi xabarda.
Avvalroq badiiy gimnastika bo‘yicha O‘zbekiston sportchilari jahon kubogida bronza medalni qo‘lga kiritgani ma’lum qilingandi.
