Мадриднинг «Реал» клуби ҳужумчиси Родриго Испания чемпионатини тарк этиб, АПЛга ўтиши мумкин. Бу ҳақда Todofichajes портали хабар берди.

Бразилиялик форвардга Англиянинг бир нечта етакчи клублари қизиқиш билдирмоқда. Улар орасида «Манчестер Сити», «Манчестер Юнайтед» ва «Челси» жамоалари бор.

Лондонликлар раҳбарияти рақобатчиларни ортда қолдиришни истамоқда ва футболчи учун трансфер таклифини тайёрлаб бўлган. Улар футболчи учун 100 миллион евродан ортиқ маблағ тўлашга тайёр.

Маълумот ўрнида, Родригонинг «қироллик клуби» билан амалдаги шартномаси 2028 йил июн ойи охиригача амал қилади. Аввалроқ ХХI асрда туғилган футболчилар орасида энг кўп ўйнаганлар рўйхатида айнан «Реал» вакили етакчи экани маълум қилинганди.