«Реал» жамоасининг натижалари клуб раҳбариятининг айрим футболчилар билан шартномаларни узайтириш бўйича қарорларига бевосита таъсир кўрсатиши мумкин. Бу ҳақда Relevo хабар берди.

Мадридликлар Чемпионлар Лигасидан чиқиб кетганидан сўнг Лука Модрич, Хесус Валехо, Лукас Васкес ва Давид Алаба каби футболчиларнинг келажаги борасида аниқ қарорлар қабул қилиниши кутиляпти. Улар орасида энг катта эҳтимол билан шартномаси узайтирилиши мумкин бўлган футболчи — 39 ёшли Модрич экани таъкидланмоқда.

32 ёшли Алабанинг келажаги эса июн ойида бошланадиган клублар ўртасидаги жаҳон чемпионати якунлангач ҳал қилинади. 33 ёшли Лукас Васкес эса катта эҳтимол билан ёзда клубни тарк этади. Унинг ўрнига Трент Александер-Арнольд билан шартнома имзоланиши кутилмоқда.