«Манчестер Юнайтед» бош мураббийи Рубен Аморим Европа Лигаси 1/4 финалидан ўрин олган «Лион»га (5:4) қарши суперкамбэкдан сўнг ўз фикрлари билан ўртоқлашди. 

113-дақиқада 2:4 ҳисобида ютқазиб турган манкунианликлар якунда 5:4 ҳисобида устун келиб, яримфиналга йўл олишди. 

«Мен 1999 йилги Чемпионлар Лигаси финали ҳақида ҳужжатли филмни кўргандим («МЮ» «Бавария»га 90+1 ва 90+3-дақиқаларда голлар уриб, мағлубиятни ғалабага айлантирган). 

Бу ажойиб оқшом бўлди. Жамоа чарчаган. 2:4 ҳисобида ҳамма нарса тугарди, аммо бу ерда эмас. Бу ерда ҳамма нарса бўлиши мумкин.

Биз Ҳарри Магуайрни ҳужумга чиқардик, чунки у — жамоада бош билан яхши ўйнай оладиган ягона футболчи. Мэйну жароҳатдан кейин ҳали тўлиқ тикланмаганди. Аммо у керакли жойларда бўла олади ва шундай голларни уришга қодир. Бугун яхши кун бўлди.

Биз яхши бошладик, аммо узоқ вақт давомида бундай ўйинни сақлаб туриш учун етарлича барқарор эмасдик. Жамоа чарчоқ ҳақида бироз ўйлаганида, тўп ўтказамиз. Иккита ўтказиб юборилган гол эпизодларида яхшироқ ҳаракат қилишимиз керак эди. 

Бу жуда кўп нарсани ўзгартирадиган лаҳзалардан биридир. Биз одатда тактик ва жисмоний жиҳатларни кўриб чиқамиз. Аммо бундай лаҳзалар футболчиларнинг онгида кўп нарсани ўзгартириши мумкин.

Биз Европа Лигасига жиддий эътибор қаратишимиз ва АПЛда ёш йигитларга имкониятлар беришимиз керак. Мухлислар биз Европа Лигасига эътибор қаратишимизни тушунишлари керак», — дея португалиялик мутахассиснинг сўзларини келтиради Sky Sports.