«Сантос» Бразилия чемпионатидаги муваффақиятсиз стартдан сўнг бош мураббийини ишдан бўшатди. 

Неймар ўйнайдиган жамоа 3 та турда атиги 1 очко тўплади – «Васко да Гама» (1:2) ва «Флуминенсе»дан (0:1) мағлубият, «Байя» (2:2) билан дуранг. 

«Сантос» лигада 20 клуб орасида 18-ўринни эгаллаб турибди. 

Бош мураббий Педру Кайшиня билан бирга унинг икки ассистенти — дарвозабонлар мураббийи ва жисмоний тайёргарлик бўйича мутахассис ҳам жамоани тарк этди. 

Бразилия миллий жамоаси собиқ футболчиси Сезар Сампайо вақтинчалик бош мураббий этиб тайинланди. 

Эътиборлиси, истеъфо 14 апрел куни — клубнинг 113 йиллигида содир бўлди. «Сантос»га 1912 йил 14 апрел куни асос солинган.

«Сантос» Паулиста лигаси яримфиналида ҳам мағлуб бўлганди.