«Реал» яримҳимоячиси Лука Модрич «Суонси» хўжайинларидан бирига айланди. Бу ҳақда Уэлс клуби расман эълон қилди. 

Хорватиялик 39 ёшли футболчин «оққушлар» акцияларининг кичик фоизига эгалик қилади ва бу унинг футболчилик фаолиятига таъсир қилмайди. 

Маълумот учун, «Суонси» Чемпионшипда 42 та ўйиндан сўнг 54 очко жамғарган ҳолда 12-ўринни эгаллаб турибди.

Модричнинг «қироллик клуби» билан шартномаси 2025 йилнинг ёзигача амал қилади. Аввалроқ яримҳимоячи фаолиятини Қатарда давом эттириши мумкинлиги хабар қилинганди.