«Манчестер Юнайтед» «Байер» форварди Патрик Шикни сотиб олмоқчи.

Sky Sport хабарига кўра, трансфер ёзда амалга ошиши мумкин. «Манчестер Юнайтед» чехиялик 29 ёшли футболчи трансфери учун 35-40 миллион сарфлашга тайёр.

Футболчининг ўзи ҳам Премер-лигага йўл олишни истамоқда. Унга Саудия клублари томонидан ҳам қизиқиш борлиги айтилмоқда.

Шик бу мавсум «доришунос»лар сафида Бундеслигада 26 та ўйинда майдонга тушиб, 17 та гол урган.