«Наполи» бош мураббийи Антонио Конте А Серия 32-туридан ўрин олган «Эмполи»га (3:0) қарши ўйиндан сўнг ўз фикрлари билан ўртоқлашди. 

«Лукаку ва Мактоминей ажойиб ўйнашди, аммо ғалаба жамоа ишининг натижасидир. Бу — жамоанинг муваффақияти, улар ҳар доим талабларга жавоб беришди ва ҳозир мажбуриятлар меваларини йиғишмоқда. Тажрибали ўйинчилар масъулиятни ўз зиммаларига олишмоқда. Ромелу, шунингдек, Скотт мен сўраган жавобларни беришмоқда. 

Биз гўзал, шу билан бирга кутилмаган ишларни амалга оширяпмиз. Чемпионлик кураши жуда катта қизиқиш уйғотади. Бироз муболаға билан айтаман: бизга миннатдорчилик билдиришингиз керак, чемпионатни тирик сақлаб турибмиз. Бизсиз интрига аллақачон тугаган бўларди», — дея Контенинг сўзларини келтиради Sky Sports Italia. 

Неапол клуби турнир жадвалида 68 очко билан 2-ўринни эгаллаб турибди ва пешқадам «Интер»дан 3 очкога ортда қолмоқда.