Жоан Лапорта «Боруссия» билан ўйин олдидан «Барселона» футболчиларини бўшашмасликка чақирди. 

Бугун, 15 апрел куни жамоалар Чемпионлар Лигаси 1/4 финал жавоб баҳсида учрашишади. Биринчи ўйин каталонияликларнинг 4:0 ҳисобидаги ғалабаси билан якунланган.

«Бу ўйин жуда муҳим. Бўлажак баҳсда биз Чемпионлар Лигасида ҳамон кучли эканлигимизни намойиш этишимиз мумкин. Бунинг учун ғалаба қозонишимиз керак.

Тўлиқ куч билан ўйнашимиз керак, чунки рақиб ҳурматга лойиқ. Тарихда биз ёмон камбэкларни кўрдик, шунинг учун бўшашишга ҳаққимиз йўқ. 

Жуда диққатли бўлишимиз, ғалаба учун ҳаракат қилишимиз ва ҳамон кучли эканлигимизни рақибларимизга кўрсатишимиз керак», — дея каталонияликлар президентининг сўзларини келтиради El Desmarque.